1.Ayollar ko‘ylagi asos va yeng konstruktsiya uchun o‘lchamlarini aniqlash.
2.Ayollar ko‘ylagi asos va yeng konstruktsiya chizmasini chizish.
3.Ayollar ko‘ylagi asos va yeng chizmasiga model chiziqlar o‘tkazish usullari.
Tayanch so‘z va iboralar: asosiy konstruktsiya bazasi, modellar jurnali, bo‘ksa, bel, etak, bort, taqilma chiziqlari; cho‘ntaklar, yoqa, drapirovka chiziqlari.
Kiyim inson tanasini atrof muhitning har xil ta’sirlaridan asrash vositasi sifatida paydo bo‘lgan.
Jamiyat taraqqiyotining hozirgi bosqichida kiyim deb, o‘simlik, hayvonot va sun’iy materiallardan tayyorlanadigan va odamni atrof-muhitning nomaqbul ta’sirlaridan asraydigan, organizmning normal sog’lom holatini saqlaydigan va bezak vazifasini o‘taydigan har xil narsalar aytiladi.
Kiyim insoniyat moddiy madaniyatining elementlaridan biri hisoblanadi.
Kiyimni konstruktsiyalash-bu murakkab jarayon. Bu tikuvchilik buyumlarini loyihalash umumiy jarayonning tarkibiy qismi bo‘lib, bu ishda model’er-rassomlar, konstruktsiyalar, materialshunoslar, texnologlar singari ko‘plab mutaxassislar mehnat qiladi.
Konstruktsiya asosining chizmasini hisoblash va tuzish metodini tanlash ishlab chiqarish spetsifikatsiyasiga bog’liq.
Kiyimning yakka buyurtma yo‘li bilan bilan tikishda o‘lchab-hisoblab konstruktsiyalash metodi juda mos keladi, chunki bu metod aniq o‘lchangan tufayli gavdaning o‘ziga xos xususiyatlarini hisobga olish imkonini beradi.
Hozirgi vaqtdagi hamma o‘lchab-hisoblab va proportsional-hisoblab tuzish metodlari kiyim bo‘laklarini chizmasini tuzishning tarkibiy usulidir. Yangi modelning manekenda yoki gavdada yaxshi turishiga kiyimni kiydirib ko‘rish yo‘li bilan erishiladi.
Modellash bu turli shakl va bichimdagi kiyim modelining konstruktsiyasini ishlab chiqaradigan murakkab ijodiy jarayondir. Turli shakl va bichimdagi modalar konstruktsiyasini tuzilmoqchi bo‘lgan asosiy konstruktsiya bazasidan olish mumkin. Bu jarayon amaliy modellash yoki odatda, aytilishiga binoan texnik modellash deb ataladi.
Texnik modellash tipovoy konstruktsiya asosini yangi model konstruktsiyasiga aylantirishdan iborat.
Modelning fasoni modellar jurnalidan olinadi yoki ijrochining rasm chizib ko‘rsatgan taklifiga ko‘ra tanlanadi.
Kiyimning modeliga xos xususiyatlari, ya’ni vitochkalar, koketkalar, bo‘rtma choklarning holati; bo‘ksa, bel, etak, bort, taqilma chiziqlari; cho‘ntaklar, yoqa, drapirovka chiziqlari tegishli bo‘laklar konstruktsiyasi asosining chizmasiga ko‘chiriladi.
Model chiziqlarining hammasini konstruktsiya asosining chizmasida xuddi model rasmidagidek joylashtirish kerak. Bunda ayolning gavda tuzilishining xususiyati, uning prportsiyasi albatta hisobga olinishi kerak. Bu konstruktsiya asosining chizmasiga tushirilgan fason chiziqlari gavdaning haqiqiy proportsiyasini buzib qo‘ymasligi uchun kerak
Fason chiziqlarining bichimi va silueti mos keladigan konstruktsiya asosining chizmasiga tushiriladi. Masalan, modelning yenglari old va ort bo‘laklar bilan yaxlit bichiladigan konstruktsiya asosining chizmasida bo‘lishi kerak va hokazo. ash uchun hamma tipovoy bo‘laklar konstruktsiyasining baza bo‘ladigan asosini qog’oz yoki karton andoza-shablon tarzida tayyorlab olinadi. Bu andozalarga zarur bo‘lgan simmetriya chizig’i-ko‘krak chizig’i, bel chizig’i, bo‘ksa chizig’i tushiriladi.
Fasonga binoan bo‘lakning yangi shaklini bo‘lak andozani shartli bo‘laklarga bo‘lib, keyin u bo‘laklarni surib tipovoy vitochkalarni bekitish va ularni yangi holatga ko‘chirish yo‘li bilan hosil qilinadi.
Ayollar yozgi ko‘ylagi paxta tolali sidirg’a gazlamadan tikilgan. Ko‘ylak sal yopishib turadigan siluetli. Yoqasi yaxlit bichilgan. Old bo‘lak belgacha bir qator tugmaga taqiladi. Yengi o‘tqazma, kalta, uchi qaytarma manjetli. Old va ort bo‘lak yelka qismi koketkada bo‘lib, etak qismigacha rel’ef chokida. Ort bo‘lak o‘rta etak qismi shlitsa bilan ishlangan. Koketka va rel’eflar ustidan bezak chok berilgan.